Prishtina mirëpret sërish garat botërore të pingpongut
Sport
Lexohet për: 1 min.
Dëgjoje me zë...
Prishtina mirëpret sërish garat botërore të pingpongut
Prishtina do të jetë sërish nikoqire e dy prej ngjarjeve më të rëndësishme ndërkombëtare të pingpongut, pasi Federata e Pingpongut e Kosovës po përgatitet të organizojë për të tretin vit me radhë turnetë “WTT Youth Contender Prishtina 2026” dhe “WTT Feeder Prishtina 2026”.
Turneu “WTT Youth Contender Prishtina 2026” do të mbahet nga 22 deri më 25 maj, ndërsa “WTT Feeder Prishtina 2026” nga 27 deri më 31 maj. Në këto gara pritet të marrin pjesë rreth 600 pjesëmarrës nga 46 shtete të ndryshme të botës, përfshirë sportistë, trajnerë, gjyqtarë ndërkombëtarë dhe përfaqësues të World Table Tennis.
Federata e Pingpongut e Kosovës vlerëson se organizimi i këtyre ngjarjeve është dëshmi e rritjes së vazhdueshme të pingpongut në vend dhe e besimit që komuniteti ndërkombëtar ka ndaj Kosovës për organizimin e eventeve të nivelit të lartë.
Përmes këtyre turneve, Prishtina pritet të bëhet edhe një herë qendër e pingpongut ndërkombëtar, duke mbledhur talente dhe emra të njohur të këtij sporti, si dhe duke promovuar Kosovën në arenën sportive ndërkombëtare.
KosovaPress
