Presidenti i Federatës Turke të Futbollit, Ibrahim Haciosmanoglu, ka lëshuar deklarata të forta në prag të ndeshjeve vendimtare të "play-off"-it për Botërorin 2026.

Turqia do të përballet nesër me Rumaninë në gjysmëfinale, ndërsa në rast suksesi, në finale do të ndeshet me fituesin e çiftit Kosovë – Sllovaki. Kreu i futbollit turk u shpreh i prerë se kombëtarja e tij nuk e meriton udhëtimin drejt Amerikës nëse nuk kalon këto pengesa.

Ky qëndrim i tij vjen si një thirrje për përgjegjësi ndaj lojtarëve turq, duke i konsideruar këto përballje si detyrim për t’u fituar. Ndeshja mes Turqisë dhe Rumanisë starton nesër në orën 18:45, ndërsa sytë e tyre janë kthyer edhe nga Bratisllava për të parë fatin e "Dardanëve".