Një person i dyshuar i moshës së mitur është arrestuar, të cilit sipas njoftimit të Policisë i janë konfiskuar 5 kilogramë substancë narkotike dhe një armë zjarri.

“Si rezultat i veprimeve të shpejta operative dhe hetimore, gjatë kontrollës është gjetur dhe konfiskuar një sasi prej 5 kilogram e 61.4 gram substancë e dyshuar narkotike e llojit marihuanë si dhe një armë zjarri e llojit pistoletë me 6 fishekë”, thuhet në njoftimin e Policisë.

Sipas njoftimit, me urdhër të prokurorit të rastit, i dyshuari është intervistuar dhe më pas është liruar në procedurë të rregullt, ndërsa janë iniciuar rastet penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe “Mbajtja në pronësi, kontroll ose posedim të paautorizuar të armëve”.

Hetimet e mëtejme për këtë rast dhe për të dyshuar të tjerë do t’i vazhdojë njësia kompetente për hetimin e trafikimit të narkotikëve.

/Kosovapress/