Përpjekja e Shaqirit për tu kapur në shtyllë sa ishte te Lyoni do të jetë gjithmonë qesharake – video
Ylli kosovar, Xherdan Shaqiri, nuk la gjurmë të mëdha në aventurën e tij me skuadrën franceze, Lyon.
Sulmuesi i Zvicrës iu bashkua skuadrës franceze nga Liverpooli verën e kaluar për një tarifë që besohet të jetë rreth 6 milionë euro.
Shaqiri nënshkroi një marrëveshje trevjeçare, por karriera e tij ishte e shkurtër, pasi që në shkurt të këtij viti u transferua në Amerikë, në Major League Soccer (MLS) te Chicago Fire FC.
Në total, Shaqiri luajti vetëm 16 ndeshje në të gjitha garat për Lyon, duke shënuar vetëm dy gola.
Kosovari 30-vjeçar sigurisht që nuk ishte në më të mirën e tij në Francë, por ai ishte në gjendje të prodhonte një nga momentet më qesharake të parë kudo në Evropë gjatë sezonit 2021/22.
Ai moment erdhi gjatë një përballjeje në fazën e grupeve të Ligës së Evropës midis Lyonit dhe Sparta Pragës, një ndeshje në të cilën skuadra e Ligue 1 shënoi fitore solide 3:0 si vendase.
Shaqiri luajti 90 minuta të plota në “Parc Olympique Lyonnais” dhe ai pa-dashje u bë viral pasi humbi një rast të lehtë në pjesën e dytë.
Shaqiri nuk ishte në gjendje të konvertonte me gol nga një distancë e afërt, pasi u gjet nga një harkim i Lucas Paquetas.
Më pas ai vendosi në shenjë proteste të lëkundej në traversë, por që fatkeqësisht për Shaqirin, kjo doli të ishte një gabim i madh.
Ish-ylli i Stoke Cityt dhe Liverpoolit nuk ishte në gjendje të kapte të dyja duart në shtyllë dhe si rezultat u fut në rrjetë në një mënyrë mjaft komike.
Videon në fjalë e gjeni më poshtë.
