Policia e Kosovës ka nisur hetimet për një rast të dyshuar të falsifikimit të parasë, pasi në Prizren janë dorëzuar 782 euro që dyshohet se janë të falsifikuara.

Sipas raportit 24-orësh të Policisë, rasti është raportuar në rrugën "Ekrem Rexha", ku një zyrtar i një banke ka dorëzuar më 8 korrik në stacionin policor shumën prej 782 eurosh, për të cilën ka dyshime se përbëhet nga kartëmonedha dhe monedha të falsifikuara.

Shuma përfshin dy kartëmonedha nga 200 euro, tri kartëmonedha nga 50 euro, dy kartëmonedha nga 20 euro, një kartëmonedhë prej 10 eurosh, 80 monedha nga 2 euro dhe 22 monedha nga 1 euro.

“Ankuesi  mashkull kosovar, zyrtar i një banke, me 08.07.2026 ka sjellë në stacion 782 euro (dy kartëmonedha 200 €, tri kartëmonedha 50 €, dy kartëmonedha 20€, një kartëmonedhë 10 €, tetëdhjetë monedha  2€, njëzetedy monedha nga 1€) që sipas ankuesit janë të falsifikuara. Paratë janë sekuestruar, në konsultim me prokurorin është iniciuar rasti dhe mbetet në hetime”, thuhet në raportin 24 orësh të policisë.

Me vendim të prokurorit, paratë janë sekuestruar, është iniciuar rasti për veprën penale "Falsifikim i parasë", ndërsa hetimet janë në vazhdim.

/Kosovapress/