Presidentja e Kosovës Vjosa Osmani mori sot pjesë në ceremoninë e inaugurimit të presidentit të ri të Salvadorit Nayib Bukele.

Bukele, i rizgjedhur me një fitore dërmuese me mbi 80% të votave në shkurt, do të betohet edhe për pesë vjet të tjera pas një vendimi gjyqësor që i hapi rrugën rizgjedhjes së tij edhe pse Kushtetuta e vendit e ndalon atë.

Osmani viziton Salvadorin • KosovaPress

Ceremonia e betimit sot në kryeqytetin San Salvador zhvillohet mes shqetësimeve të sigurisë pasi policia tha se kishte penguar një kërcënim për bombë.

Shtatë persona u arrestuan për komplot për të shpërthyer eksploziv në vende anembanë vendit, tha policia të enjten duke shtuar se të dyshuarit ishin pjesë e të ashtuquajturës Brigada e Kryengritjes salvadoriane.

Osmani merr pjesë në inaugurimin e presidentit të ri të Salvadorit • KosovaPress

Ndër të pranishmit e pritur në ceremoni janë edhe presidenti i Argjentinës Javier Milei dhe Donald Trump Jr, djali i ish-presidentit të SHBA, Donald Trump, i cili mbërriti në Salvador të premten.

Osmani takon dy zyrtare të larta amerikane: Diskutuam për zhvillimet e fundit të sigurisë • KosovaPress

Bukele fitoi rizgjedhjen në shkurt pasi fitoi popullaritet masiv në mandatin e tij të parë për transformimin e sigurisë në vendin me 6.3 milionë banorë.