Me ftesë të presidentit të Salvadorit Nayib Bukele, presidentja e Kosovës Vjosa Osmani ka udhëtuar zyrtarisht për në këtë shtet të Amerikës Qendrore.

Vizita e presidentes Osmani është e para e një kreu të shtetit të Kosovës në këtë shtet.

Presidentja do të marrë pjesë në inaugurimin e presidentit të ri-zgjedhur Nayib Bukele.

Gjatë qëndrimit në San Salvador, Osmani do të zhvillojë një sërë takimesh bilaterale me udhëheqës shtetërorë, duke filluar me presidentin Bukele.

Fokusi i këtyre takimeve do të jetë forcimi i marrëdhënieve bilaterale, bashkëpunimit ndërshtetëror si dhe forcimi i aleancave ekzistuese dhe krijimi i aleancave të reja me shtete në rajonin e Amerikës Latine.

Presidentja po ashtu do të zhvillojë takime tjera bilaterale me përfaqësues të shteteve të tjera, me qëllim të forcimit të pozitës ndërkombëtare të Kosovës, si dhe avancimit të bashkëpunimit bilateral në fusha të interesit të përbashkët.