Presidentja Vjosa Osmani ka konfirmuar se ka pasur takim me komandantin e FSK-së, Bashkim Jashari dhe ministrin e Mbrojtjes, Ejup Maqedonci. Ajo nuk ka dhënë detaje të këtij takimi, veçse tha se janë në kontakt të vazhdueshëm.
Kështu u deklarua ajo pas konferencës ndërkombëtare të organizuar nga Qendra Kosovare e Rehabilitimit të të Mbijetuarve të Torturës, ku u diskutua për dhunën seksuale.
E pyetur lidhur me çështjen e furnizimit me ushqim në Forcën e Sigurisë së Kosovës, ajo tha se është deklaruar për një gjë të tillë.
Osmani nuk u përgjigj as në pyetjet e gazetarëve për çështjen e dialogut.
Për çështjen e furnizimit me ushqim në Forcën e Sigurisë së Kosovës, opozita ka mbajtur seancë të jashtëzakonshme për çka pati akuza për partitë në pushtet.
Ndërkaq, ditë më parë Ministria e Mbrojtjes ka thënë se është hapur konkursi për pranimin e stafit profesional të kuzhinierëve dhe se me pranimin e personelit prej 106 personash, kjo problematikë do t’i përkas së kaluarës.
