Presidentja Vjosa Osmani u shpreh se humbja e dy qytetarëve si pasojë e vërshimeve të djeshme në Pejë, tronditi të gjithë Kosovën.

Osmani potencoi se Forca e Sigurisë së Kosovës dhe të gjithë institucionet e tjera që merren me emergjenca të tilla janë në Pejë, duke ofruar ndihmën dhe përkrahjen e tyre.

“I shpreh ngushëllimet më të thella familjarëve, miqve, kryetarit të Komunës z. Gazmend Muhaxheri dhe gjithë qytetarëve të komunës së Pejës për këtë humbje të madhe e kaq tragjike. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike.”, shkroi Osmani në Facebook.

Një grua dhe djali i saj, 5-vjeçar vdiqën si pasojë e vërshimeve të djeshme në Pejë. Policia informoi se pas vdekjes së 5-vjeçarit, në lagjen “Asllan qeshme”, u  gjet e vdekur edhe nëna e tij, e cila ishte e zhdukur./KosovaPress

https://kosovapress.com/admin/nje-grua-dhe-nje-femije-humben-jeten-si-pasoje-e-vershimeve-ne-peje/

https://kosovapress.com/admin/vdekja-e-dy-personave-ne-peje-muhaxheri-jam-i-tronditur-situate-e-rende/

https://kosovapress.com/admin/krasniqi-jam-koordinim-me-muhaxherin-sveclen-e-mehajn-qe-tu-ndihmojme-qytetareve-ne-peje/