Është bërë një vit që kur KosovaPress lansoi shërbimin inovativ të leximit me zë të lajmeve, të mundësuar nga Inteligjenca Artificiale (IA), duke sjellë një mënyrë moderne dhe më të qasshme të informimit për publikun.

Gjatë këtij viti, mijëra lexues kanë pasur mundësinë që, me vetëm një klikim, lajmet t’i dëgjojnë direkt nga platforma online, kudo që ndodhen dhe në çdo kohë. Ky shërbim është bërë një alternativë praktike për ata që janë në lëvizje, gjatë vozitjes, punës apo aktiviteteve të përditshme.

Falë teknologjisë së avancuar tekst-në-zë, lajmet lexohen në mënyrë të natyrshme dhe të qartë në gjuhën shqipe, duke ruajtur standardin profesional dhe besueshmërinë që e karakterizon KosovaPress ndër vite.

Shërbimi ka kontribuar gjithashtu në rritjen e qasjes në informacion për komunitetet me nevoja të veçanta, përfshirë personat me vështirësi në lexim apo shikim, duke ofruar një mënyrë më të lehtë dhe më gjithëpërfshirëse për t’u informuar në kohë reale.

Si funksionon?

          •        Vizitoni uebfaqen www.kosovapress.com

          •        Zgjidhni artikullin që dëshironi

          •        Klikoni butonin “Dëgjo lajmin”

          •        Lajmi do të lexohet për ju në mënyrë automatike

Përfitimet:

          •        Informohuni në lëvizje, gjatë vozitjes apo në palestër

          •        Shfrytëzoni kohën më mirë duke dëgjuar lajmet

          •        Përjetoni një formë të re të konsumimit të informacionit

          •        Mbështetni përfshirjen dhe qasjen për të gjithë

KosovaPress – Zëri i informacionit të saktë, tani edhe me zë

/Kosovapress/