Nis me gol Botërori: Meksika kalon në epërsi ndaj Afrikës së Jugut
Ndërkombëtar
Lexohet për: 1 min.
Dëgjoje me zë...
Nis me gol Botërori: Meksika kalon në epërsi ndaj Afrikës së Jugut
Ka nisur zyrtarisht Kampionati Botëror 2026 dhe ndeshja hapëse ka dhuruar golin e parë qysh në minutat e para. Vendasi, Meksika, ka arritur të kalojë në epërsi 1-0 në përballjen ndaj Afrikës së Jugut në stadiumin "Azteca".
Meksikanët e nisën lojën me raste të njëpasnjëshme, ku fillimisht Raul Jimenez rrezikoi seriozisht në minutën e 5-të, por goditja e tij u ndal nga një pritje fluturuese e portierit afrikan, Ronwen Williams.
Goli i parë i turneut
Presioni i Meksikës u shpërblye shpejt. Në minutën e 9-të, pas një gabimi të madh në mbrojtjen kundërshtare, Julian Quinones përfitoi në skaj të zonës dhe me një goditje të fuqishme e dërgoi topin në rrjetë, duke ndezur atmosferën në stadium për rezultatin 1-0.
Meksika po dominon fillimin e pjesës së parë nën drejtimin e arbitrit kryesor Wilton Sampaio, duke treguar qartë synimet për të marrë tri pikët e para në Grupin A.
KosovaPress
