Grupi i Bankës Botërore do të prezantojë raportin për klimën dhe zhvillimin (CCDR) për Kosovën. (Hotel “Swiss Diamond” Prishtinë, ora 9:30-11:05)

Procesi gjyqësor Hashim Thaçi, Bashkim Smakaj, Isni Kilaj, Fadil Fazliu dhe Hajredin Kuçi - paraqitja e parë Hajredin Kuçi. (Hagë, ora 10:00)

Nën organizimin e Presidencës, mbahet konferenca “Avancimi i përfaqësimit dhe rolit të grave në ushtri: Një hap drejt barazisë më të madhe gjinore, paqes dhe sigurisë”, e cila organizohet në kuadër të Qendrës Rajonale të Ekselencës për Gratë, Paqen dhe Sigurinë në Kosovë. (Hoteli “Emerald” Prishtinë, ora 10:00)

Instituti Kombëtar Demokratik (NDI) në Kosovë organizon edicionin e tetë të Konferencës për integritetin e informacionit DISICON. (Klan Arena, Prishtinë, ora 10:00)

Instituti i Kosovës për Drejtësi (IKD) do të publikojë raportin “Dështimi i reformës në drejtësi”.  (Hotel “Opera” Prishtinë, ora 10:00-12:00) 

Riho Terras, anëtar i Parlamentit Evropian dhe raportues për Kosovën, do të mbajë deklaratë për shtyp si pjesë e misionit të tij tre-ditor për mbledhjen e fakteve në Kosovë. (Përpara Zyrës së BE-së në Kosovë Prishtinë, ora 11:00)

Kryeministri Albin Kurti dhe ministri i Shëndetësisë, Arben Vitia, marrin pjesë në përurimin e renovimeve në Klinikën e Radiologjisë në Qendrën Klinike Universitare të Kosovës. (Ora 11:00)

Kandidati për kryeministër i koalicionit AAK - Nisma - Lista Konservatore - E30 - Ideal, Ramush Haradinaj, mban konferencë për media. (Selia e AAK-së rruga “Vicianum” - Kompleksi Artis, Arbëri, Prishtinë, ora 11:00). 

Mbahet konferencë për media me rastin e 10-vjetorit të anëtarësimit të KOK-ut në Komitetin Olimpik Ndërkombëtar. Merr pjesë Thomas Bach, president i Komitetit Olimpik Ndërkombëtar dhe Spyros Capralos, president i Komitetit Olimpik të Evropës. (Hotel “Swiss Diamond” Prishtinë, ora 12:00)

Lëvizja FOL në kuadër të Ditës Ndërkombëtare Kundër Korrupsionit realizon performancën “Farat e Rrejshme”. (Te platoja e hotelit “Grand” Prishtinë, ora 12:00)

Procesi gjyqësor Thaçi, Smakaj, Kilaj, Fazliu dhe Kuçi - Paraqitja e parë Kilaj. (Hagë, ora 13:00)

Ministrja e Punëve të Jashtme dhe Diasporës, Donika Gërvalla, mban konferenca për media. (Ora 14:00)

Agjencia për Parandalimin e Korrupsionit (APK) organizon tryezën “Roli i integritetit të institucioneve, planeve të integritetit, dhe politikave kundër korrupsionit” që organizohet për të shënuar Ditën Ndërkombëtare Kundër Korrupsionit. (Hotel “Sirius” Prishtinë, ora 10:00–14:00)

Ministria e Financave, Punës dhe Transfereve lanson sistemin e përcjelljes së faturave. (Hotel “Swiss Diamond” Prishtinë, ora 15:00)