Nga 1 maji pritet të hyjnë në fuqi tarifat e reja të energjisë elektrike që ishin paraparë të ndodhin më 1 prill. Këtë e ka konfirmuar për KosovaPress, kryesuesi i bordit të Zyrës së Rregullatorit për Energji (ZRRE), Ymer Fejzullahu.

https://kosovapress.com/kesco-kerkon-nga-zrre-ja-rritje-te-tarifave-te-rrymes

“Shtyhen tarifat prej 1 majit”, deklaroi shkurt ai.

Operatorët energjetik në vend kanë kërkuar rritje të tarifave të energjisë elektrike, KESCO ka kërkuar rritje prej 21%.

Ndërsa, Zyra e Rregullatorit të Energjisë çdo vit bën shqyrtimin e tarifave të energjisë elektrike, të cilat shpallen më 1 prill dhe vlejnë deri më 31 mars të vitit pasues.

Vitin e kaluar, ZRRE-ja kishte miratuar rritje të tarifave për 16.1 për qind krahasuar me vitin paraprak.

Sa i përket çështjes së njehsorëve që janë ngritur shqetësime kryesuesi i Bordit të ZRRE-së, Ymer Fejzullahu i tha KosovaPress-it se kjo është përgjegjësi e Institutit të Meteorologjisë, i cili funksionon në kuadër të ministrisë së Tregtisë.

“Instituti i Meteorologjisë në kuadër të ministrisë së Tregtisë, ata janë përgjegjës për këtë punë. Për çdo gjë që është me matje me ligj e kanë detyrim “, deklaroi Fejzullahu.

Dje, anëtari i Lidhjes Demokratike të Kosovës, Visar Azemi, ka dorëzuar në Zyrën e Rregullatorit të Energjisë (ZRRE) qindra dëshmi të pretenduara për manipulim me njehsorët e energjisë elektrike, për të cilat ai ka thënë se po i bëhen qytetarëve të vendit, raporton KosovaPress.

Po ashtu kjo parti ditë më parë, LDK ka dorëzuar siç thanë nga kjo parti dëshmi në zyrën e KEDS se njësorët elektrikë po masin gabimisht kohën./B.Ibishi/

/Kosovapress/