Në çfarë cilësie u intervistua kryetari i Obiliqit? Flasin nga Prokuroria Speciale
Lajme
Lexohet për: 2 min.
Dëgjoje me zë...
Në çfarë cilësie u intervistua kryetari i Obiliqit? Flasin nga Prokuroria Speciale
Kryetari i Komunës së Obiliqit, Halil Thaçi është intervistuar sot nga Prokuroria Speciale lidhur me shpronësimet në fshatin Shipitullë.
Në njoftimin e Prokurorisë bëhet e ditur se Thaçi u intervistua në cilësinë e të pandehurit, nën dyshimin për kryerjen e veprës penale “Ushtrim ndikimi”.
“Mund të konfirmojmë se H.Th., është intervistuar nga Prokuroria Speciale në cilësinë e të pandehurit, në kuadër të procedurave hetimore që kjo prokurori është duke i zhvilluar në një rast që ka të bëjë me shpronësimet në fshatin Shipitullë, nën dyshimin për kryerjen e veprës penale "Ushtrim ndikimi", thuhet në komunikatën e Prokurorisë.
Thaçi pas intervistimit, për media tha se krejt kjo është përgatitur nga rivalët e tij politikë dhe se sot në Prokurori ishte paraqitur në cilësinë e dëshmitarit.
Thaçi, para gazetarëve, u shpreh “i kënaqur” që prokuroria ka nisur të merret me një çështje të tillë. Thaçi theksoi se nuk do t’u nënshtrohet presioneve dhe se, sipas tij, nuk do të shantazhohet apo kërcënohet asnjëherë, duke e cilësuar veten si “mbrojtës të të drejtave të qytetarëve”.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
