Mentaliteti i ekipit norvegjez Bodo/Glimt po i lë të gjithë me gojëhapur. Edhe pse ekip i ri në kompeticionin e Ligës së Kampionëve, ata nuk po e kanë aspak problem ti mposhtin gjigandët e kësaj gare.

Por a keni menduar se kush fshihet pas kësaj mendësie apo mentaliteti triumfues të ekipit?

Klubi norvegjez, Bodø/Glimt, ka angazhuar një ish-ushtarak si psikolog të ekipit, një njeri që ua ka “ngulitur në kokë” lojtarëve bindjen se mund ta fitojnë edhe Ligën e Kampionëve.

Kështu të paktën shkruajnë disa media sportive, të cilat theksojnë se trajneri i skuadrës kishte vërejtur se lojtarët po dorëzoheshin nën presion në ndeshjet e mëdha.

Për ta ndryshuar këtë mentalitet, ai solli mikun e tij, një ish-ushtarak, për t’u mësuar se çfarë do të thotë të performosh kur presioni është maksimal.

Që nga ai moment, te skuadra është instaluar një besim i palëkundur: ata mund të mposhtin çdo klub në botë. Dhe këtë e vërtetuan në fushë, duke arritur në fazën e 1/8 së finales pasi eliminuan gjigantë si Atlético Madrid, Manchester City dhe Inter.

KosovaPress