Ndalohet një shtetas i dyshuar serb në Leposaviq, provoi të kaloi ilegalisht kufirin
Lajme
Lexohet për: 1 min.
Dëgjoje me zë...
Ndalohet një shtetas i dyshuar serb në Leposaviq, provoi të kaloi ilegalisht kufirin
Një shtetas i dyshuar serb është ndaluar nga Policia e Kosovës në Tresavë të Leposaviqit, pasi që kishte tentuar të kalonte ilegalisht kufirin nga territori i Kosovës në atë të Serbisë.
Policia e Kosovës në raportin e saj 24-orësh ka njoftuar se rasti ka ndodhur të premtën, në orën 17:00.
Në raport thuhet se ai ishte duke vozitur një kombi e ku kishte të ngarkuar rreth 5000 kg mish dhe 250 kg speca.
Bëhet e ditur se në konsultim me prokurorin malli është dërguar në doganë ndërsa i dyshuari është liruar.
“
Njësia policore ka ndaluar një automjet-kombi që drejtohej nga i dyshuar shtetas i Serbisë në të cilin kishte të ngarkuar rreth 5000kg. mish dhe 250kg. speca. Gjatë intervistimit i dyshuari e ka pranuar se ka tentuar të kalojë ilegalisht nga territori i Republikës së Kosovës për territorin e Serbisë. Në konsultim me prokurorin malli është dërguar në doganë ndërsa i dyshuari është liruar”, thuhet në raport.
