Në prag të përballjes vendimtare ndaj Kosovës, trajneri i Kombëtares së Turqisë, Vincenzo Montella, ka dhënë një mesazh të fortë motivues për skuadrën e tij, duke theksuar rëndësinë e rrugëtimit dhe shpirtit të ekipit, përtej çdo rezultati.

Në konferencën për media, Montella vlerësoi lart paraqitjet e deritanishme të lojtarëve, duke i cilësuar ato si frymëzuese për tifozët dhe për vetë vendin.

“Ata kanë bërë një rrugëtim të jashtëzakonshëm, kanë entuziazmuar tifozët turq dhe kanë treguar krenari në fushë. Ata e kanë bashkuar një vend me zemrën dhe mënyrën e tyre të lojës” - deklaroi ai.

Trajneri italian u bëri thirrje futbollistëve që të ruajnë qetësinë dhe të luajnë me stilin e tyre, duke mos e ndjerë presionin e ndeshjes.

“Mesazhi im është ky luani me zemër të lehtë, do të jetë një ndeshje lufte. Luani me cilësinë tuaj. Nëse argëtoheni, gjithçka bëhet më e lehtë” - shtoi Montella.

Të njëjtin qëndrim e ndanë edhe futbollisti i pranishëm në konferencë Çalhanoglu, të cilët theksuan unitetin dhe forcën e grupit si çelës të suksesit. Sipas tij, skuadra ka arritur të bashkojë tifozët dhe të ndërtojë një identitet të fortë përmes lojës me zemër dhe sakrificë.

“Kur luajmë si një i vetëm dhe luftojmë me zemër, ne e dimë se mund t’i arrijmë të gjitha objektivat” - u shpreh Çalhanoglu.

Ndërkohë futbollist nënvizoi se në ndeshje të tilla vendimtare nuk është vendimtare vetëm cilësia individuale, por përkushtimi maksimal në fushë.

“Kush luan me zemër dhe jep gjithçka në fushë, ai do të dalë fitimtar. Tani është radha jonë të arrijmë sukses dhe do të bëjmë gjithçka për këtë” - deklaroi ai.

I pyetur për kundërshtarët e mundshëm në Kupën e Botës, si SHBA, Paraguai apo Australia, Montella u shpreh i prerë se fokusi i tij është vetëm te ndeshja e radhës.

“Sinqerisht, as që i njoh. Nuk i kam parë kurrë të luajnë. Absolutisht nuk mendoj për to aspak” - përfundoi trajneri Italian.

Përballja vendimtare mes Kosovës dhe Turqisë zhvillohet të martën, në stadiumin “Fadil Vokrri”, me fillim nga ora 20:45 dhe pritet të sjellë një atmosferë të zjarrtë historie.

KosovaPress