Mes tensioneve dhe përplasjeve është zhvilluar mbledhja e Komisionit për Ekonomi në të cilën nuk u arrit të shqyrtohet Raporti vjetor i Komisionit të Pavarur për Miniera dhe Minerale – KPMM për vitin 2023. Përplasja filloi pas insistimit të Kryesuesit të Bordit të KPMM-së, Habib Basholli, i cili kërkoi që në raportim të ulët edhe ushtruesi i detyrës, Sali Mulaj për të prezantuar raportin për vitin 2023. Porse, me këtë nuk u pajtua kryetari i Komisionit, Ferat Shala, i cili tha se i njëjti është U.D me afat të skaduar.

Shala i është drejtuar kryesuesit Basholli duke i thënë se rregullin e bënë ai vet.

Ndërsa, Basholli derisa ishte duke e prezantuar bordin, Sali Mulajn e ka prezantuar si drejtor.

Pas kësaj ka reaguar deputeti Shala.

Për këtë, Basholli ka thënë se i njeri është U.D, mirëpo ka shtuar se është duke u rekrutuar pozita e drejtorit.

Ndërsa, Shala ka thënë se Mulaj nuk është drejtor, është U.D me afat të skaduar, ligji është i qartë.

Basholli ka shtuar se procedurat për t’u zëvendësuar këta janë sipas ligjit duke u zhvilluar, porse, ka pyetur Shalën që nëse të njëjtit kanë qenë të paligjshëm, pse nuk i ka hequr.

Shala ka replikuar me Bashollin duke i thënë se kjo nuk është punë për ty.

Ndërsa, Basholli i është drejtuar duke i thënë se ‘i njëjti ka qenë i ligjshëm kur i jeni drejtuar me e-mail’.

Ndërsa, deputetja nga partia në pushtet, Lëvizja Vetëvendosje, Mimoza Kusari-Lila ka propozuar që mbledhja të shtyhet për një ditë tjetër.

Ndërkaq, deputetja nga Lidhja Demokratike e Kosovës, Valentina Bunjaku-Rexhepi ka thënë se përgjegjësia për raportim është e atyre që janë të zgjedhur.

Edhe deputeti nga Aleanca për Ardhmërinë e Kosovës, Pal Lekaj ka thënë se këtu nuk ka probleme me ligj, por me neglizhencën e qeverisë.

Ndërsa, deputeti Shala ka thënë se po u japin edhe një javë afat, porse të njëjtit do të raportojnë për vitin 2022, 2023 dhe për një pjesë të vitit 2024.

Ndërkaq, në rend ditës ka qenë edhe shqyrtimi i Raportit vjetor të Ndërmarrjes Publike të Operatorit të Sistemit, Transmisionit dhe Tregut – KOSTT Sh.a. për vitin 2023, mirëpo të njëjtit nuk kanë mundur të raportojnë sot për shkak të agjendës që kanë bordi. Ndërsa, raportimi është shtyrë për mbledhjen e radhës.

Lajmi i plotë në sistemin me parapagim...