Mbi 2 milionë udhëtarë kanë qarkulluar në Aeroportin Ndërkombëtar të Prishtinës “Adem Jashari”, deri në muajin e shtatë të vitit 2024. Derisa vetëm në gjysmën e parë të muajit gusht ky aeroport pati mbi 200 mijë udhëtarë vajtje ardhje.

Zëdhënësja në Aeroportin e Prishtinës, Valentina Gara në një prononcim për KosovaPress, thotë se këtë vit është rritur për rreth 20 për qind qarkullimi i numri i udhëtarëve.

Ajo potencon se vendet më të frekuentuara janë Zvicra, Gjermania, Turqia dhe Austria, të cilat pasohen nga disa shtete të tjera.

Ndër të tjera, Gara potencon se pas fluksit të madh të udhëtareve pas liberalizmit të vizave, Aeroporti i Prishtinës ka rritur kapacitetet e tij sa i përket infrastrukturës dhe burimeve njerëzore.

Ndërkaq, bashkatdhetarët thonë u mungon vendlindja e tyre dhe se shprehin dëshirën për t’u kthyer në Kosovë.

Erona Gacaferri thotë se nga mosha 15 vjeçare ka shkuar në Gjermani, porse nuk përjashton mundësinë për t’u kthyer në Kosovë për të jetuar. 

Ajo tregon se ende nuk është vizituar nga familjarët edhe pas liberalizmit të vizave.

Edhe Hysni Vorfa nga Prizreni që jeton në Berlin të Gjermanisë, thotë se po të kishte mundësi do të kthehej brenda 24 orëve në vendlindjen tij për të jetuar, porse fëmijët nuk pranojnë.

Setkije Selaj e cila jeton në Zvicër tash e 20 vite thotë se është e kënaqur me mirëpritjen e familjarëve.

Ajo tregon se kanë shumë dëshirë të vijnë përgjithmonë për jetuar në Kosovë, porse i duhet të kujdeset për nipërit e mbesat.

Lajmi i plotë në sistemin me parapagim...

/Kosovapress/