Më 30 qershor të vitit 1792, në Paris u këndua për herë të parë “Marsejeza”, si një këngë lufte e ushtarëve vullnetarë që marshonin drejt kryeqytetit francez. Kënga u bë shpejt simbol i Revolucionit Francez dhe i luftës për liri.

Teksti dhe muzika u kompozuan në prill të vitit 1792 nga oficeri francez Claude Joseph Rouget de Lisle, me titullin fillestar “Kënga e Luftës për Ushtrinë e Rajnës”. Emrin “Marsejeza” e mori pasi u përhap nga vullnetarët e Marsejës, të cilët e këndonin gjatë marshimit drejt Parisit.

Konventa Kombëtare e miratoi si himnin kombëtar të Francës më 14 korrik 1795. Gjatë sundimit të Napoleon Bonapartit dhe më pas në periudhën e restaurimit të monarkisë, himni humbi statusin e tij zyrtar, por u rikthye pas Revolucionit të Korrikut të vitit 1830.

Në vitin 1871, “Marsejeza” u bë simbol i lëvizjeve revolucionare ndërkombëtare gjatë Komunës së Parisit. Tetë vjet më vonë, në vitin 1879, ajo u rivendos zyrtarisht si himni kombëtar i Francës, status që e ruan edhe sot.

Sot, “Marsejeza” konsiderohet një nga himnet kombëtare më të njohura në botë, duke përfaqësuar vlerat e lirisë, barazisë dhe vëllazërisë, që janë në themel të Republikës Franceze.

/Kosovapress/