Instituti Albanologjik shfaq filmin për migracionin në Kërçovë
Kulturë
Lexohet për: 2 min.
Dëgjoje me zë...
Instituti Albanologjik shfaq filmin për migracionin në Kërçovë
04/05/2026 - 11:48
Linku u kopjua
Instituti Albanologjik i Kosovës në kuadër të programit të “Leksioneve albanologjike”, ka shfaqur filmin “Gurbeqars: the non migrants”. Një film i shkurtër në kuadër të migracionit, i cili shfaq proceset komplekse të migrimit në rajonin e Kërçovës dhe tutje, raporton KosovaPress.
Ideja e këtij filmi të shkurtër, krijuesja, profesoresha Lumije Jusufi tha se ishte për të parë kontaktet gjuhësore dhe ndikimi i migrantëve.
“Faktorët e jashtëm gjithmonë janë lidhur me ndryshimet kulturore ose shoqërore, por të gjitha kontaktet gjuhësore ka qenë ajo qasja që kam pasur unë tek projekti në fjalë. Kontaktet gjuhësore unë i shoh si zhvillime të jashtme, me ndryshimin kulturor dhe shoqëror. Ideja ishte për të parë kontaktet gjuhësore jo vetëm të migracionit që është e natyrshme por ndikimi i tyre që sjellin këta migrant përmes një tipi specifik të migracionit”, tha Jusufi.
Jusufi tha se çdo term ndaj migrantëve kritikohej.
Emri i projektit “gurbetqars” mbeti nga mënyra se si quhen migrantët në Kërçovë.
“Gjatë projektit që nuk ka qenë vetëm në Kërçovë, në gjithë sferën shqiptare për t’i përpiluar pyetësorin si t’i quajmë këta njerëz. Gurbetqarë kritikohej, migrantë, mërgimtarë kritikohej, për çdo termë që zgjidhja kritikohej. Unë jam rritur në Kërqovë dhe me atë gurbetqarë pa reflektuar mbi termin që përdorim ne dhe aty lindi ideja”, tha ajo.
