Manchester United po përballet me probleme të mëdha financiare, pasi kostoja e projektit për ndërtimin e një stadium të ri gjigand, mund të rritet ndjeshëm mbi vlerësimin fillestar.

Sipas raportimeve të mediave britanike, projekti për stadiumin e ri që do të zëvendësojë “Old Trafford”, ishte planifikuar fillimisht të kushtonte rreth dy miliardë paund dhe të kishte kapacitet rreth 100 mijë spektatorë. Megjithatë, zhvillimet e fundit tregojnë se shifra mund të rritet shumë më tepër për shkak të disa pengesave financiare dhe teknike. 

Një nga arsyet kryesore është dizajni i veçantë i stadiumit, duke përfshirë një çati të madhe të stilit tendë, e cila vetëm ajo mund të shtojë në koston e projektit rreth 200 milionë paund. Ndërkohë, negociatat për blerjen e tokës pranë stadiumit aktual janë bërë problem, pasi pronarët e një terminali hekurudhor kërkojnë deri në 400 milionë paund për pronën.

Klubi anglez ka edhe presion financiar, pasi borxhi i përgjithshëm i lidhur me aktivitetin futbollistik ka kaluar mbi një miliard paund, kjo situatë e bën edhe më të vështirë sigurimin e financimit për projektin e ri të stadiumit. 

Plani fillestar synonte që stadium të ishte gati rreth vitit 2030, megjithatë ende nuk është siguruar financimi i plotë dhe afati mund të shtyhet. Ideja për stadiumin e ri u prezantua nga bashkëpronari i klubit, Jim Ratcliffe, i cili e ka quajtur projektin “Wembley i Veriut”.

Ky stadium do të bëhej më i madhi në futbollin britanik dhe një nga më të mëdhenjtë në Evropë, nëse projekti realizohet.

KosovaPress