Një gjest i jashtëzakonshme solidariteti vjen nga kampi i kombëtares së Gjermanisë në Botërorin 2026.

Sipas gazetarit të njohur, Fabrizio Romano, lojtarët gjermanë kanë vendosur të financojnë personalisht transportin me autobus për 600 tifozë të tyre, të cilët do të udhëtojnë për të ndjekur ndeshjen e fundit të grupit kundër Ekuadorit.

Ky vendim i skuadrës erdhi pasi çmimet e biletave të trenit nga Manhattani drejt stadiumit "MetLife" pësuan një rritje të çmendur, duke kërcyer nga më pak se 13 dollarë në mbi 150 dollarë.

Pas reagimeve të ashpra nga publiku, çmimet e trenave u ulën në 98 dollarë, por kjo sërish mbeti një vlerë e lartë për xhepat e tifozëve.

Pikërisht këtu kanë ndërhyrë yjet e kombëtares si Joshua Kimmich me shokë. Lojtarët kanë vendosur që asnjë cent i këtij transporti të mos paguhet nga tifozët, duke marrë përsipër të gjitha shpenzimet e autobusëve që do t'i dërgojnë ata të sigurt dhe pa kosto në stadium për të mbështetur skuadrën.

KosovaPress