KF Llapi ka siguruar kualifikimin pas një ndeshjeje dramatike ndaj FC Malisheva në gjysmëfinale të Kupës së Kosovës në Futboll.

Takimi i zhvilluar në stadiumin “Zahir Pajaziti” në Podujevë përfundoi 2-2 pas kohës së rregullt dhe vazhdimeve, ndërsa Llapi triumfoi 4-2 pas penalltive, duke siguruar kalimin në gjysmëfinale. 

Mysafirët nga Malisheva kaluan të parët në epërsi shumë herët, kur Mevlan Zeka realizoi në minutën e 4-të për 0-1. Llapi reagoi në pjesën e dytë dhe barazoi rezultatin në minutën e 49-të me golin e Besar Musollit. 

Në vazhdime, Malisheva riktheu epërsinë me golin e dytë të Zekës në minutën e 107-të, por kur gjithçka dukej e përfunduar, Llapi gjeti golin e barazimit në minutën 120+4 përmes Fuad Ajvazit, duke e çuar ndeshjen në penallti.

Nga pika e bardhë, futbollistët e Llapit u treguan më të saktë dhe fituan 4-2, duke siguruar një kualifikim dramatik dhe shumë të rëndësishëm në Kupën e Kosovës.

KosovaPress