Këngëtari i njohur, Besart Kelmendi, i njohur si Gjesti, është liruar nga paraburgimi.

Këtë e ka konfirmuar për KosovaPress, zëdhënësja e Gjykatës Themelore në Prishtinë, Mirlinda Gashi, e cila ka thënë se pas vlerësimit “kanë pushuar shkaqet për të cilat është caktuar masa e paraburgimit.

“Pas kërkesës së Prokurorisë Themelore në Prishtinë për ndërprerjen e masës së paraburgimit në çështjen penale ndaj të pandehurit B.K., Gjykata pas shqyrtimit të kërkesës së Prokurorisë ka vlerësuar se kanë pushuar shkaqet për të cilat është caktuar masa e paraburgimit, andaj ka vendosur që i njëjti të mbrohet në liri”, thuhet në këtë përgjigje.