Për të shtatin vit më radhë Rrjeti i të Drejtave të Njeriut publikoi raportin e Shoqërisë Civile për të Drejtat e Njeriut.

Në konferencën e mbajtur për lansimin e këtij raporti, drejtoresha ekzekutive e YIHR në Kosovë, Marigona Shabiu, tha se ky raport ofron një pasqyrë të disa mangësive institucionale në raport me të drejtat e njeriut. Ajo tha se ky raport është realizuar nga inputet e 42 organizatave që kanë të bëjnë me këto të drejta.

Ajo shtoi se ky raport  trajton gjithsej 24 të drejta dhe çështje që identifikojnë problemet dhe shkeljet e të drejtave të njeriut por përmban edhe rekomandime për institucione publike.

Ndërkaq zëvëndësavokati i Popullit, Basri Kastrati tha se ky raport ndihmon edhe në realizimin e raportit të këtij institucioni.  

Ndërkaq sipas tij bashkëpunimi me organizata bën që institucioni i Avokatit të Popullit të qëndrojë më pranë komuniteteve joshumicë

Nga Zyra për Qeverisje të Mirë, Habit Hajredini tha se shtylla kyçe e një shoqërie është shoqëria civile dhe rekomandimet e këtij raporti mund të kthehen në veprime që mund t’i ndërmarrë edhe institucioni në fjalë.

Ai shtoi se fokusi në grupe të ndjeshme siç janë personat me aftësi të kufizuara dhe të komuniteteve janë pjesa më e rëndësishme në këtë raport të përvitshëm.

Në fund shefi i të drejtave të Njeriut në UNMIK dhe Përfaqësuesi Komisionerit të Lartë të OKB-së për të Drejtat e Njeriut, Jeroeme Bouyjou tha se ky raport është lansuar në një kohë të karakterizuar me një ngadalësim politik që ka mundësi të çojë përpara mbrojtjen e të drejtave të njeriut.

Lajmi i plotë në sistemin me parapagim...