Kuvendi i Kosovës do të mblidhet të enjten në seancë të rregullt plenare.

Deputetët pritet të shqyrtojnë një sërë pikash, në mes tyre edhe disa marrëveshje ndërkombëtare.

Këto u bën të ditura pas mbledhjes së Kryesisë së Kuvendit.

Shefi i Grupit Parlamentar të AAK-së, Besnik Tahiri, tha se në takimin e sotëm u diskutua edhe çështja e ekspozitës “Masakrat në Kosovë 1998-1999”, ku pati pasaktësi për masakrat gjatë luftës.

“Kemi trajtuar çështjen e ekspozitës. Këtu ka dështuar shteti. Janë dhënë disa qëndrime që do të rregullojmë procedurën e ardhshme të financimit nga Kuvendi”, tha ai.

Tahiri foli edhe për çështjen e zgjedhjes së presidentit, ku mes tjerash kritikoi Lëvizjen Vetëvendosje për neglizhencë në këtë proces.

Lajmi i plotë në përditësim...

/Kosovapress/