Në finalen e Kupës së Botës, përveç yjeve në fushë nuk munguan as ata si spektator.

Beyonce dhe Jay-Z, ndryshe ‘familja mbretërore amerikane’ ishin ndër të pranishmit në MetaLife Stadium në New York të dielën mbrëma. Si zakonisht, reperi i njohur për publikun mbante në kokë kapelen Yankees.

Nuk munguan në publik as Rihanna dhe A$AP Rocky, ku çifti i bukur dukej se po shijonte shoqërinë e njëri-tjetrit pas spekulimeve që pati muaj më parë për një krizë në lidhje.

Aktori i nominuar për çmimin Oskar, njëkohësisht ambasadori i Adidas, Timothee Chalamet u pa duke u puthur me të dashurën, modelen Kylie Jenner.

Kamerës nuk iu iku as tifozëria e familjes Beckham. Ish ylli anglez David, ishte i shoqëruar nga bashkëshortja Victoria dhe tre fëmijët e tyre: Romeo, Cruz dhe Harper.

Me ta ishin dhe të dashuarat e djemve, DJ dhe modelja e njohur Kim Turball dhe tekst shkruesja braziliane Jackie Apostel. U vërejt dukshëm mungesa e djalit të madh, Brooklyn, i cili siç dihet ende nuk ka rregulluar raportet me prindërit.

Afër familjes Beckham për të shikuar ndeshjen ishte dhe miku i tyre, aktori i njohur Tom Cruise, i cili ishte pjesë e ceremonisë hapëse.

Aktorja Anya Taylor-Joy, prindërit e së cilës janë të dy argjentinas dhe që kaloi një pjesë të fëmijërisë së saj duke u rritur në Buenos Aires, Argjentinë, e ndoqi ndeshjen dhe kaloi momente të afërta e të përzemërta me bashkëshortin e saj, muzikantin dhe aktorin Malcolm McRae, i njohur nga seriali Daisy Jones & The Six.

Presidenti së bashku më zonjën e parë të SHBA-së bëri një paraqitje të rrallë në finalen e Kupës së Botës. Donald Trump u pa mbrapa xhamave anti-plumb duke shtrënguar duart me kryeministrin e Spanjës, Pedro Sánchez, në praninë e presidentit të FIFA-s, Gianni Infantino, si edhe të Mbretit të Spanjës, Felipe VI, dhe Mbretëreshës Letizia.

Komediani dhe prezantuesi televiziv, Trevor Noah tha se mori një ftesë në minutën e fundit për të ndjekur ndeshjen në stadiumin MetLife dhe për ta transmetuar drejtpërdrejt, ndërsa në platformën e tij të instagramit publikoi vazhdimisht komente dhe reagime nga atmosfera e ndeshjes.

Për shikuesit kosovar, ajo që na e tërhoqi më së shumti vëmendjen nga sikleti i lojës, ishte momenti kur kamera kapi yllin tonë të pop muzikës Dua Lipën me bashkëshortin Callum Turner. Çifti i sapomartuar dukeshin më të lumtur se kurrë./ KosovaPress/