Kurti viziton Institutin francez: Është një urë e re midis Kosovës dhe Francës
Lajme
Lexohet për: 1 min.
1 muaj më parë
Linku u kopjua
Kryeministri i Kosovës, Albin Kurti, bashkë me ministren e Arsimit, Arbërie Nagavci kanë vizituar Institutin francez. Ata u pritën nga ambasadori i Francës në Kosovë, Oliver, ku panë nga afër aktivitetet që bëhen në këtë institut.
Kryeministri Albin Kurti, tha se ky instituti është një urë e re midis Kosovës dhe Francës dhe dritare e jashtëzakonshme për mësimin e gjuhës frënge dhe artin e kulturën franceze.
Ai u zotua se do të vizitojë sërish këtë institut dhe se do të mësojë gjuhën frënge.
Ndërsa, ambasadori francez, Olivier Guerot tha se instituti thellon bashkëpunimin ndërmjet dy vendeve në fushën e kulturës dhe të artit.
Kryeministri Albin Kurti, por as ambasadori francez Guerot nuk pranuan të flasin për tema të tjera politike, përfshirë urën e Ibrit, si dhe mbylljen e strukturave paralele serbe në veri.
Instituti Francez është inauguruar në mars të vitit 2024.