Kurti-Goffus, diskutohet mbi thellimin e bashkëpunimit me KFOR-in e NATO-n
Lexohet për: 2 min.
4 muaj më parë
Linku u kopjua
Kryeministri i Kosovës Albin Kurti gjatë një takimi sot me ndihmës-sekretarin e Përgjithshëm për Operacione të NATO-s Thomas Goffus, theksoi rëndësinë e thellimit të bashkëpunimit mes institucioneve tona të sigurisë e mbrojtjes me KFOR-in e NATO-n dhe koordinimin e vazhdueshëm.
Kurti e falënderoi Goffus për kontributin e vazhdueshëm e pozitiv të misionit KFOR dhe NATO-s, si dhe angazhimin në ruajtjen e paqes e sigurisë në vend dhe rajon.
Ai tha se progresi socio-ekonomik e demokratik i vendit ecën krah për krah me sundimin e rendit dhe ligjit, ndaj të cilave përkushtimi mbetet i palëkundur dhe në shërbim të të gjithë qytetarëve pa dallim.
I pari i qeverisë së vendit tonë tha se gjatë këtyre tri vjetëve, nën kërcënimet më të mëdha të sigurisë nga Serbia, Kosova ka arritur progresin më të madh në demokraci dhe ekonomi ndërkohë që edhe ka zmbrapsur kërcënimet duke e menaxhuar suksesshëm sfidimin e sigurisë dhe paqes në vendin tonë.
“Ne mbrojmë jo vetëm qytetarët e territorin, sovranitetin dhe demokracinë, pavarësinë dhe lirinë, por edhe progresin e prosperitetin tonë”, tha Kurti.
