Një person e ka humbur jetën në vendin e punës në Strellc të Deçanit. Për vdekjen e tij ka shprehur ngushëllime kryetari i Deçanit Bashkim Ramosaj.

Viktima është Xhevat Hasanmetaj nga Strellci. Kryetari Ramosaj vlerësoi kontributin e tij.

“Në këto momente të rënda mora lajmin e hidhur për ndarjen tragjike nga jeta të Xhevat Hasanmetaj nga Strellci. Kontributi dhe sakrifica e tij në kohë të vështira do të kujtohen gjithmonë me respekt e mirënjohje. Humbja e tij është një dhimbje e madhe për familjen, miqtë dhe për të gjithë ata që e njohën. Në emrin tim dhe në emër të qytetarëve të Deçanit, i shpreh ngushëllimet më të sinqerta familjes Hasanmetaj dhe gjithë farefisit”, shkroi Ramosaj.

/Kosovapress/