Futbolli italian po kalon një nga periudhat më të dobëta në histori, duke humbur shkëlqimin që dikur frikësonte botën.

Me dy dështime radhazi për t'u kualifikuar në Botëror dhe me klube që eliminohen turpshëm nga ekipe si Bodø/Glimt apo Galatasaray, alarmi ka rënë.

Interi, lideri i Serie A, dhe Napoli kampion u eliminuan herët nga Champions League, duke lënë vetëm Atalantën, ndërsa gjiganti si AC Milan mungon fare nga skena evropiane.

Epoka e legjendave si Buffon, Maldini dhe Totti duket si një kujtim i largët. Sot, Italisë i mungon thellësia e klasit botëror dhe ajo mbrojtje "të hekurt" që dikur ishte identiteti i tyre.

"Identiteti defensiv që dikur përcaktonte 'Calcio-n' nuk ngjall më frikë nëpër Evropë," raporton BBCsports , duke vënë në pah se pa kreativitet elitë dhe liderë të vërtetë, futbolli italian rrezikon të mbetet në hije për një kohë të gjatë.

KosovaPress