Golden Eagle Ylli ka siguruar biletën e dytë për në finalen e madhe të Ligës Unike, pasi mposhti Besëlidhjen e Lezhës me rezultatin 63:76.

Therandasit treguan pjekuri dhe dominim në parket gjatë gjithë gjysmëfinales, duke mos lejuar befasi nga skuadra lezhjane dhe duke konfirmuar formën e tyre të lartë në këtë fazë vendimtare të turneut që po zhvillohet në kryeqytetin shqiptar.

Para finales, në orën 15:00, Vëllaznimi dhe Besëlidhja do të ballafaqohen për vendin e tretë, duke përmbyllur kështu një festë të vërtetë të basketbollit që ka mbledhur skuadrat më të mira nga Kosova dhe Shqipëria në Tiranë.