Kombëtarja e Kosovës në konkurrencën e femrave ka arritur një fitore madhështore dhe tejet bindëse në udhëtim, duke e mposhtur Gjibraltarin me shifrat e pabesueshme 0-8.

Ndeshja, e vlefshme për fazën e grupeve të kualifikueseve për Kampionatin Botëror (Grupi J), u dominua tërësisht nga futbollistet tona që nga minuta e parë e deri tek e fundit.

Seria e golave nisi herët me Donjeta Halilajn në minutën e 3'. Erëleta Memeti shkëlqeu me dy gola (7', 21'), ndërsa në listën e realizatoreve në pjesën e parë u regjistruan edhe Kaltrina Biqkaj (14') dhe Blerta Smaili (32').

"Dardanet" nuk u ndalën as në pjesën e dytë. Modesta Uka ngriti shifrat në 0-6 në minutën e 68', përpara se Blerta Smaili të realizonte golin e saj të dytë personal në minutën e 76'. Goditjen përfundimtare këtij takimi ia dha Gentiana Fetaj, e cila vulosi rezultatin final në 0-8 në minutën e 84'.

Me këtë triumf spektakolar në xhiron e 6-të, Kosova mbyll këtë përballje me kokën lart duke treguar rritje të jashtëzakonshme në skenën ndërkombëtare.

KosovaPress