Konjufca tregon nëse do ta votonte Osmanin edhe për një mandat
Dëgjoje me zë...
Konjufca tregon nëse do ta votonte Osmanin edhe për një mandat
I propozuari i Lëvizjes Vetëvendosje për president, Glauk Konjufca ka deklaruar se edhe VV-ja dhe ai vetë do të votojnë të propozuarin për president nga partitë opozitare që të mos shkojë vendi në zgjedhje, raporton KosovaPress.
Siç tha ai, do ta votonte edhe presidenten, Vjosa Osmani. Ndërkohë, tha se nëse opozita nuk propozon asnjë emër neutral, sipas tij, ky është një përcaktim i qartë për të shkuar në zgjedhje nga ana e tyre.
Konjufca u shpreh kureshtar për emrin që opozita do e votonte nëse nuk është ai i tij.
“Ishte propozim i Vetëvendosjes edhe tash ecim përpara. Versioni më i mirë është që edhe opozita ta bëjë propozimin e vet. Nëse e propozojnë një emër ndoshta edhe unë e votoj, atë tjetrin në vend meje, po kurrkush nuk po propozon, as PDK, as LDK. Jam shumë kureshtar me ditë kush është ai që ata do ta votonin nëse nuk jam unë. Edhe VV-ja do ta votojë që mos të shkojmë në zgjedhje. Po duhet të nxjerrin një emër ata, me na tregu kush është ai, nëse nuk bën i VV-së. Jam i bindur që nuk do të mund të propozojnë person neutral”, tha Konjufca.
Tutje, Konjufca tha se VV-ja nuk po propozon dy emra për kandidat për arsyeje që të propozoj opozita. Ndërsa, nëse nuk propozohet, do vazhdojnë sipas procedurave.
“Nuk e bëjmë sepse duhet ta propozojë opozita... Atëherë do të shohim dhe të vazhdojmë sipas procedurave. Pse e kemi lënë është që opozita ta propozojë një, ne tonin dhe pastaj të vazhdojmë.. Ka shumë njerëz më të mirë se unë, më të përgatitur, le ta propozojnë një, Vjosa Osmanin ose këdo që dëshirojnë, vetë do e votoj, por nuk po donë ta propozojnë. Nëse opozita nuk thotë asnjë emër atëherë kjo është përcaktim i qartë për të shkuar në zgjedhje, nga ana e opozitës jo nga ne”, tha Konjufca.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
