Është konfirmuar rasti i parë i sëmundjes lija e deleve/dhive në Kosovë, konfirmon Agjencia e Ushqimit dhe Veterinarisë.

Ministria e Bujqësisë, Pylltarisë dhe Zhvillimit Rural në koordinim me Agjencinë e Ushqimit dhe Veterinarisë se rasti i parë është në një fermë të deleve në fshatin Sazli të Ferizajt.

Agjencia e Ushqimit dhe Veterinarisë ka vendosur masat e përgjithshme për kontrollin dhe luftimin e kësaj sëmundje. Këto masa zbatohen në regjionin e Ferizajt dhe Gjilanit.

Sipas njoftimit, kjo sëmundje shkaktohet nga një virus i familjes Capripoxvirus dhe është ndër sëmundjet më të rënda për këto specie, me pasoja të mëdha ekonomike.

Disa nga simptomat e kësaj sëmundje janë: temperaturat e larta (40–42°C),  humbja e oreksit dhe plogështi, rrjedhje nga hunda dhe sytë, lezione (puçrra, plagë) në lëkurë, sidomos në kokë, veshë, bark dhe rreth organeve gjenitale.

Kjo sëmundje nuk përbën rrezik për shëndetin e njerëzve dhe nuk transmetohet nga kafsha tek njeriu.

Paraprakisht, gjatë ditës, AUV njoftoi për ndalimin e importit të deleve dhe dhive nga Shqipëria, shkak sëmundja e murtajës se bagëtive të imta.

Agjencia e Ushqimit dhe Vetrinarisë (AUV) ka njoftuar se është ndaluar importi i deleve dhe dhive nga Shqipëria.

Kjo për shkak të shpërthimit të sëmundjes se murtajës se bagëtive të imta në Qarkun e Dibrës.

Madje tani Ministria e Bujqësisë, Pylltarisë dhe Zhvillimit Rural në koordinim me AUV-in kanë vendosur masë ndalese të pakohshme.

I’u është bërë thirrje fermerëve të deleve dhe dhive të mbajnë nën mbikëqyrje tufat e tyre dhe të shmangin çfarëdo kontakti me kopetë e fermerëve nga Shqipëria.

“Autoritetet kufitare do të forcojnë kontrollet në të gjitha pikat kufitare dhe zonat e brezit kufitar me Shqipërinë, me qëllim parandalimin e futjes së sëmundjes në territorin e Republikës së Kosovës”, thuhet në njoftim.

Sipas njoftimit, fermërëve I’u është rerkomanduar të shtojnë kujdesin.

Kjo është një sëmundje virale shumë ngjitëse që prek kryesisht delet dhe dhitë, e cila përhapet përmes kontaktit të drejtpërdrejtë me kafshët e sëmura.