Kosova duhet të jetë anëtare e Këshillit të Evropës, thotë kryetari i Komisionit për Punë të Jashtme nga Finlanda, Kimmo Kiljunen. Ai i konsideron për keqardhje pengesat nga ana e Serbisë, meqë thotë se anëtarësimi nënkupton edhe mbrojtjen e të drejtave të serbëve që jetojnë në Kosovë. Në intervistën për KosovaPress, ai flet për vizitën në Kosovë, Shqipëri dhe Serbi dhe presionin për themelimin e Asociacionit. Sipas tij, pjesëmarrja e qytetarëve në zgjedhjet në katër komunat veriore ka shënuar një rekord botëror. Po ashtu, thekson se bojkoti i serbëve është turp dhe se situata aktuale është e tensionuar.

Kimmo Kiljunen, i cili është edhe kryetar i delegacionit finlandez në Këshillin e Evropës flet për votën pro Kosovës në Asamblenë Parlamentare.

Ai thekson se Finlanda mbështet anëtarësimin e Kosovës edhe në organizata të tjera ndërkombëtare, teksa thekson se Këshilli i Evropës është organizatë e vlerave të përbashkëta. Këtë thotë se e ka përmendur edhe në takimet që ka zhvilluar në Serbi, por që tregon se është kritikuar.

Anëtarësimi i Kosovës në Këshillin e Evropës, Kiljunen shton se nënkupton edhe anëtarësim në sistemin e të drejtave të njeriut në Evropë.

I pyetur se a duhet të lidhet ky proces me themelimin e Asociacionit të komunave me shumicë serbe, ai deklaron se Kosova është dakorduar për një gjë të tillë.

Për keqardhje i konsideron pengesat e Serbisë në këtë proces të anëtarësimit, për çka shton se Kosova duhet të jetë anëtare e Këshillit e Evropës.

Teksa flet për procesin zgjedhor të javës së kaluar në veri të vendit, kryetari i Komisionit për Punë të Jashtme në Finlandë deklaron se është shënuar rekord botëror i pjesëmarrjes së ultë të qytetarëve.

Parakusht i Kosovës dhe Serbisë për anëtarësim në Bashkim Evropian, shton ai, janë marrëdhëniet e mira. Sipas tij, Kosova duhet të bëjë kompromise.

Kryetar i delegacionit finlandez në Këshillin e Evropës, Kimmo Kiljunen thekson mbështetjen e vendit të tij në anëtarësimin e Kosovës edhe në organizata të tjera ndërkombëtare. Megjithatë, siç shton ai, i mbetet Kosovës që të vendosë nëse dëshiron të jetë pjesë edhe e aleancës së NATO-s dhe Organizatës së Kombeve të Bashkuara. /Sh.Pajaziti

Lajmi i plotë në sistemin me parapagim...