Ministri i Punëve të Brendshme, Xhelal Sveçla ka thënë të enjten se gjurmët e gjetura në territorin e Kosovës ku ka ndodhur kidnapimi i policëve të Kosovës nga njësitet speciale të ushtrisë së Serbisë, tregojnë se këta të fundit ishin të shumtë në numër.

Ai ka thënë se Serbia duhet të mbahet përgjegjëse për këtë vepër, derisa shtoi se përgjegjësia për vijën kufitare është e KFOR-it.

“Gatishmëria e Policisë është në nivel të lartë. Unë besoj që do të jenë të gatshëm t’i përgjigjen çfarëdo sfide”, tha ai në konferencën për media që po mbahet pas mbledhjes së Këshillit të Sigurisë.