Kur vjen koha e diplomimit, shumë prindër do të respektojnë një rit të shenjtë të kalimit në një nivel tjetër, duke u dhënë këshilla fëmijëve të tyre, ndonjëherë jo të duhura. 

Prindërit kanë përherë një qëllim të mirë, por të diplomuarit e vitit 2023 do të hyjë në një treg pune gjatë një prej periudhave më të këqija të pasigurisë që nga kriza financiare e vitit 2008.

Matt Higgins – udhëheqës i “RSE Vnetures”, thotë se ka kaluar kriza të ngjashme, nga rritja në varfëri, braktisja e shkollës së mesme për t'u kujdesur për mamanë e tij me aftësi të kufizuara, deri te mbajtja e dy vendeve të punës gjersa studionte për tu diplomuar për drejtësi.

“Gjatë gjithë sprovave të mia dhe rrugëtimit tim për t'u bërë një milioner, autor më i shitur, CEO dhe investitor, i vetmi çelës për të lulëzuar ishte të mos isha i kujdesshëm”, thotë ai derisa thekson këshillat më të këqija që të rinjtë duhet të injorojnë dhe çfarë të bëjnë në vend të kësaj:

Këshillat që duhet injoruar.

“Ke nevojë për një plan kthimi”

Një studim i Wharton zbuloi se vetëm të menduarit për një plan rezervë mund të zvogëlojë ndjeshëm gjasat që Plani A të ndodhë, madje kjo ulë edhe motivimin për të provuar.

Ka vetëm një pjesë të vogël të gjërave që mund t'i thyesh në të 20-at që nuk mund t'i rregullosh në të 30-at. E vetmja mënyrë për të qenë Taylor Sëift e ardhshme është të besoni se do të jeni e tillë dhe të mos shqetësoheni për atë që do të ndodhë nëse dështoni. Besojini kapacitetit dhe intuitës për të kuptuar gjërat nëse Plani A nuk funksionon. E rëndësishme është të mësoni gjatë procesit.

“Mos shpenzoni shumë kohë pranë ekranit”

Ekranet janë e ardhmja e punës. Luajtja e videolojërave për 10 orë rresht mund të mos ndihmojë, por ju mund të mësoni të gjitha llojet e aftësive të reja fitimprurëse në internet.

Nëse doni të filloni të shkruani një plan biznesi, të hapni një faqe interneti ose të tregtoni një produkt ose shërbim, burimet e duhura janë atje dhe shpesh me kosto të ulët ose pa kosto.

"Mos vrisni mendjen për gjërat e vogla."

Pjesërisht e pavërtetë. Ndërsa ankthi që ju bllokon duhet të adresohet, jo i gjithë ankthi është problematik. Në fakt, studimet tregojnë se sipërmarrësit më të suksesshëm shfrytëzojnë ankthin dhe e bëjnë atë të funksionojë për ta.

Ata ruajnë atë që quhet një gjendje e "ankthit optimal": ekuilibrin midis të pasurit ankth të mjaftueshëm për të katalizuar fokusin dhe për të përmirësuar performancën, por jo aq sa për të penguar përsosmërinë.

"Shkoni të punoni në një kompani të madhe dhe të qëndrueshme."

Dikur ishte këshillë e mençur për të filluar karrierën tuaj në gjigantë si Facebook, Google, Lyft, Netflix dhe Disney. Por edhe kompanitë që dikur premtonin karriera 30-vjeçare tani po përballen me pushime masive nga puna.

Në vend që të shikoni me një emër të madh apo për një kompani të njohur, shkoni për pozitën e duhur. Sigurohuni që interesat dhe aftësitë tuaja të përputhen me pozicionin që dëshironi, edhe nëse është në një kompani të vogël fillestare ose me jo shumë përvojë.

Edhe më mirë është që përdorni aftësitë dhe pasionin tuaj për të filluar një biznes. Mund të tingëllojë e çmendur, por me një javë fokusi intensiv, mund të përdorni AI për të nisur një biznes që fiton 10,000 dollarë në muaj. Dhe atëherë nuk do të duhet të shqetësoheni se do të pushoheni nga puna.

"Blini një shtëpi dhe vendosuni."

Së fundmi, këshilla më e rëndësishme që çdo i ri duhet të dijë është se: Paraja është mbret.

Kurseni para dhe ruani sa më shumë. Nëse do të thotë të marrësh me qira ose të jetosh në shtëpi, është mirë. Në një mjedis me inflacion të lartë, kursimi i parave të gatshme është më i rëndësishëm se grumbullimi i borxhit. Borxhi i kartës së kreditit në mesin e njerëzve midis 18 dhe 25 vjeç është gjithashtu në shkallën më të lartë në krahasim me çdo moshë tjetër demografike, ndaj tregohuni më të kujdesshëm me shpenzimet e tepërta./ AkademiPune