Kane: "Ndeshja është kundër Argjentinës, jo vetëm kundër Lionel Messit"
Sport
Lexohet për: 2 min.
Dëgjoje me zë...
Kane: "Ndeshja është kundër Argjentinës, jo vetëm kundër Lionel Messit"
Kapiteni i Anglisë, Harry Kane, ka folur me respekt të madh për Lionel Messin para gjysmëfinales së Kupës së Botës, duke e cilësuar argjentinasin si një nga futbollistët më të mëdhenj të të gjitha kohërave.
“Është vërtet e çmendur kur mendon se si ka arritur të qëndrojë në majë për kaq shumë kohë dhe nuk ka luajtur kurrë më parë kundër Anglisë”, tha Kane.
Megjithatë, sulmuesi anglez theksoi se fokusi i ekipit të tij nuk është vetëm Messi, por e gjithë Argjentina.
“Ndeshja është kundër Argjentinës, jo vetëm kundër Lionel Messit. Duhet të përgatitemi shumë mirë, sepse përballemi me një skuadër fantastike, me një sistem të shkëlqyer loje dhe lojtarë të jashtëzakonshëm.”
Kane shtoi se Messi ka dëshmuar për gati dy dekada pse konsiderohet një nga më të mirët në historinë e futbollit.
“
Messi e ka bërë këtë për gati 20 vjet. Ai ka qenë një nga lojtarët më të mirë në botë, në mos më i miri i të gjitha kohërave, për dy dekada. Të gjithë e dinë rrezikun që ai mund të krijojë.”
Ndeshja mes Anglisë dhe Argjentinës është afër fillimit me vetëm pak orë që na ndajnë.
KosovaPress
