Vetëm një ditë pas tragjedisë në Cetinjë të Malit të Zi heshtja ka kapluar të gjithë vendin.

Gjithçka ka mbetur në vend pas vërshimit të breshërisë së plumbave nga një i ri mbrëmjen e djeshme.

Gjak, xhama të thyer dhe disa drita ende të ndezura janë ajo që ka mbetur pas nga tragjedia me 11 viktima.

Të gjithë banorët janë larguar, ndërsa në pamjet e siguruara nga Top Channel shihet se si në njërën nga banesat ende qëndrojnë këpucët e fëmijëve dhe karroca në ambientet e jashtme.

Vetëm në pak momente e gjithë zona u kthye në një skenë krimi, me pasoja të rënda.

Mali i Zi u trondit nga një krim makabër që nuk ishte parë prej dekadash të tëra, një 34 vjeçar pas një konflkiti me një familje që jetonte në shtëpinë e tij si qiramarrës, vrau 10 persona me breshëri arme, mes tyre të 3 anëtarë të familjes në fjalë dhe kalimtarë të rastit.

Në mesin e vrarëve janë edhe dy fëmijë, si dhe vetë autori Vuk Boriloviç, duke e çuar numrin e të vrarëve në 11.

Qeveria e Malit të Zi shpalli tri ditë zie në gjithë territorin e vendit, pas tragjedisë në Cetinjë. Ndërkohë gjashtë persona janë duke u trajtuar në spital, tre prej të cilëve janë në rrezik për jetën.

Më pas ai ka dalë dhe ka qëlluar banorët e kësaj lagjeje me të njëjtën armë zjarri, duke u marrë jetën shtatë personave të tjerë, ndërsa gjashtë të tjerë i ka plagosur.

Kjo është ngjarja më vdekjeprurëse në dekadat e fundit në Mal të Zi teksa ndodhi në kulmin e sezonit turistik.