Ushtria izraelite ka urdhëruar banorët e 14 fshatrave në Libanin jugor që të evakuohen "menjëherë" për "sigurinë e tyre".

IDF ka lëshuar vazhdimisht urdhra evakuimi gjatë ofensivës së saj ajrore dhe tokësore që synon degradimin e infrastrukturës së Hezbollahut në Libanin jugor.

Në paralajmërimin e fundit, zëdhënësi i IDF Avichay Adraee tha se banorët e 14 fshatrave duhet të largohen në veri të lumit Awali.

“Kushdo që ndodhet pranë objekteve apo armëve të Hezbollahut, është duke vënë në rrezik jetën e tij”, tha ai në një postim në X.

"Ndalohet të shkosh në jug. Çdo lëvizje drejt jugut mund të jetë e rrezikshme për jetën tuaj. Ne do t'ju njoftojmë me kohë që të ktheheni në shtëpitë tuaja sapo të krijohen kushtet", ka shkruar ai.

Natën e kaluar, Hezbollahu lëshoi ​​një paralajmërim të ngjashëm, duke u thënë banorëve të largoheshin nga shtëpitë e tyre në 25 qytete në të gjithë Izraelin verior, për të cilat tha se ishin bërë "objektiva legjitime ushtarake".