Pesë nxënëse u vranë pasi një shkollë fillore, ku ndjekim mësim vetëm vajzat, në qytetin Minab, në provincën jugore Hormozgan të Iranit, u qëllua nga sulmet izraelite, të shtunën, raportuan mediat iraniane.

Duke cituar një zyrtar provincial, agjencia e lajmeve Mehr tha se shkolla u godit gjatë sulmeve më herët gjatë ditës, transmeton AA, përcjellë KosovaPress.

Detaje tjera të këtij rasti të pretenduar nuk janë bërë të ditura.

SHBA-ja dhe Izraeli nisën një sulm të përbashkët ndaj Iranit herët të shtunën, duke pretenduar se ky operacion ka për qëllim eliminimin e “kërcënimeve” që paraqiste “regjimi” iranian. Kryeministri izraelit Benjamin Netanyahu dhe presidenti amerikan Donald Trump publikuan deklarata të veçanta me video, në të cilat lanë të kuptohej gjithashtu se me këto sulme, mëtohet të ofrohet mbështetje edhe për përpjekje që kanë qëllim ndryshimin e qeverisë dhe regjimit në Teheran.

Irani i cilësoi sulmet si shkelje të sovranitetit të tij dhe u zotua për përgjigje dhe nisi sulme hakmarrëse, disa nga të cilat u bllokuan nga Izraeli, si ato në Haifa, për çfarë u raportuar nga mediet me bazë në Jerusalem.

Këto sulme u kryen ndërsa Omani, një shtet ky në Gadishullin Arabik, po ndërmjetësonte bisedimet për programin bërthamor të Iranit midis Uashingtonit dhe Teheranit, me raundin e fundit të mbajtur të enjten në Gjenevë.