IKShPK: Sonte ajri në Prishtinë është jashtëzakonisht i ndotur
Instituti Kombëtar i Shëndetësisë Publike ka bërë të ditur se ndotja e ajrit sonte në Prishtinë është e lartë. IKSHPK-ja ka theksuar se sipas të dhënave të Institutit Hidrometeorologjik të Kosovës (IHMK), ajri në Prishtinë sonte është jashtëzakonisht i ndotur.
Të njëjtit po ashtu kanë dhënë disa rekomandime.
Duke analizuar situatën aktuale Instituti Kombëtar rekomandon:
1. Të reduktohen daljet në qytet dhe ne vendet me ajër të ndotur sidomos në mëngjes dhe mbrëmje për personat që kanë sëmundje kronike të sistemit kardiovaskular dhe respirator, fëmijët dhe shtatzënat;
2. Qëndroni në shtëpi dhe mos i hapni dritaret për ajrosjen e dhomave.
3. Personat e ndjeshëm nga sëmundjet respiratore që pashmangshëm duhet të dalin në aktivitetet e tyre jashtë shtëpisë të përdorin maska mbrojtëse ose të mbulojnë gojën e hundën me shall.
4. Të redukohet pirja e duhanit jashtë ku ka qarkullim të njerëzve, e domosdoshmërisht ndalimi i duhanpirjes brenda hapsirave të banimit, punës, shkollave dhe spitaleve.
5. Grupet e popullatës së rrezikuar me sëmundje kronike pulmonare, zemrës, pacientët astmatik dhe të prirur për alergji, të moshuarit, fëmijët e vegjël, gratë shtatzëna rekomandohet që të kalojnë më shumë kohë në mjedise me nivele të ulëta të ndotësve, të tilla si malet dhe vendpushime të shëndetshme.
https://kosovapress.com/ajri-i-ndotur-ne-prishtine/
