Në ambientet e Federatës së Futbollit të Kosovës, sot në praninë e Komisionit të Garave dhe përfaqësuesve të klubeve, është hedhur shorti për ndeshjet gjysmëfinale të Kupës së Kosovës në konkurrencën e femrave.

Sipas shortit, në këtë fazë do të përballen këto skuadra:

Dukagjini - Mitrovica

Prishtina - Kosova VR

Gjysmëfinalet do të zhvillohen me sistem vajtje-ardhje, gjë që pritet të sjellë duele interesante dhe mjaft konkurruese për një vend në finale.

Ndeshjet e para të kësaj faze janë të planifikuara të zhvillohen më 25 dhe 26 mars, ndërsa sfidat kthyese do të përcaktojnë ekipet finaliste të këtij edicioni të Kupës së Kosovës në futbollin e femrave.

KosovaPress