Ministria e Punëve të Brendshme ka nënshkruar kontratën me Operatorin Ekonomik me qëllim të zbatimit të Ligjit për Mbikëqyrjen Elektronike.

Ministrja e Drejtësisë Albulena Haxhiu ka bërë të ditur se nënshkrimi vjen nëntë vjet pasi që kishte hyrë në fuqi Ligji për Mbikëqyrjen Elektronike, por asnjë Qeveri nuk e kishte marrë mundin ta zbatonte.

“Mbikëqyrja tani do të jetë më e lehtë e qytetarët më të sigurt. Hallkat elektronike do të jenë siguri më e madhe për vajzat dhe gratë viktima të dhunës, dhunuesit do të monitorohen e rrjedhimisht nuk do të kenë mundësi t'u ofrohen atyre”, ka shkruar Haxhiu në Facebook.