Në shënim të Ditës së Çlirimit, Ramush Haradinaj ka publikuar një mesazh urimi në Facebook, duke e cilësuar fitoren e Ushtria Çlirimtare e Kosovës dhe hyrjen e forcave tokësore të NATO si ngjarjen më kulmore në historinë e re të Kosovës.

Haradinaj ka shprehur nderim të përjetshëm për luftëtarët e UÇK-së nga të gjitha anët e Kosovës, sakrificën e dëshmorëve e martirëve dhe familjet që dhanë më të dashurit për lirinë e vendit.

“Zoti e bekoftë Kosovën, mbarë kombin tonë dhe miqtë e saj!”, ka përfunduar mesazhin e tij Haradinaj.