Kandidati i PDK -së për deputet në zgjedhjet e 7 qershorit Haki Morina është shembull i përkushtimit, integritetit dhe besnikërisë ndaj interesit kombëtar, shkruan Idriz Vehapi.

Postimi i plotë:

Me përkushtim të palëkundur ndaj çështjes kombëtare ndër vite, Haki Morina ka qenë një nga aktivistët e hershëm që ka kontribuar me zë, veprim dhe angazhim për interesat e kombit. Veprimtaria e tij e pandërprerë që nga rinia, si nxënës, student, e pastaj edhe në diasporë, si dhe lidhja e fortë me atdheun, e kanë bërë një emër të respektuar në mesin e bashkatdhetarëve. Sot, kandidatura e tij për deputet, e propozuar nga diaspora, përfaqëson jo vetëm një vlerësim për kontributin e deritanishëm, por edhe një mundësi që zëri i mërgatës dhe i veprimtarëve të dëshmuar të përfaqësohet denjësisht në institucionet e vendit.

Haki Morina është shembull i përkushtimit, integritetit dhe besnikërisë ndaj interesit kombëtar.

Uroj që përvoja dhe angazhimi i tij shumëvjeçar të vazhdojnë të jenë në shërbim të qytetarëve dhe të Kosovës

/Kosovapress/