Trajneri i Manchester City, Pep Guardiola, ka pranuar se gara për titullin në Premier League nuk është më në duart e skuadrës së tij, pas barazimit 3-3 ndaj Evertonit.

City kishte mundësinë të afrohej me liderin, Arsenalin, por tani mbetet pesë pikë prapa, edhe pse me një ndeshje më pak. Guardiola theksoi se skuadra e tij do të vazhdojë të luftojë deri në fund të sezonit, duke shtuar se katër ndeshjet e mbetura do të jenë vendimtare për fatin e tyre.

Në këtë përballje dramatike, Jérémy Doku realizoi golin e barazimit në minutën e 97-të, ndërsa Erling Haaland kishte shënuar më herët. Futbollistët e Cityt theksuan se skuadra nuk ka humbur besimin dhe do të vazhdojë garën për titull.

Pas ndeshjes ndaj Brentford, City do të përballet edhe me Crystal Palace, Bournemouth dhe Aston Villa. Ndërkohë, Arsenali ka një kalendar më të lehtë në letër, duke u përballur me West Ham United, Burnley dhe sërish Crystal Palace.

Pavarësisht goditjes në garën për titull, Manchester City mbetet në lojë për trofe të tjerë, pasi ka fituar Kupën e Ligës dhe do të përballet me Chelsea në finalen e Kupës FA më 16 maj.

KosovaPress