Atleti kosovar Grevist Bytyqi do ta përfaqësojë Kosovën në garën prestigjioze ndërkombëtare “World Para Athletics Grand Prix”, e cila mbahet nga 21 deri më 23 maj në Notwill të Zvicrës. Në këtë ngjarje të rëndësishme të atletikës paraolimpike, Bytyqi do të garojë në disiplinat 400 dhe 800 metra.

Pjesëmarrja e Bytyqit konsiderohet një tjetër sukses për sportin paraolimpik të Kosovës dhe dëshmi e punës së tij në arenën ndërkombëtare.

Përfaqësimi i Kosovës në këtë aktivitet sportiv ka rëndësi të veçantë për promovimin e sportit paraolimpik dhe fuqizimin e atletëve kosovarë në skenën ndërkombëtare, ndërsa Grevist Bytyqi synon të arrijë rezultate sa më të mira dhe ta prezantojë denjësisht shtetin e Kosovës.